نیویارک،16جنوری(ایس  اونیوز/آئی این ایس انڈیا)امریکی خفیہ ادارے سی آئے اے کے موجودہ سربراہ جان برینن نے نومنتخب صدر ڈونلڈ ٹرمپ سے کہا ہے کہ وہ الفاظ کے استعمال میں احتیاط برتیں۔ انہوں نے کہا کہ نومنتخب صدر روس سے جڑے خطرات سے آگاہ نہیں ہیں۔ برینن کی جانب سے اس سخت تنقید کے جواب میں ٹرمپ نے بھی برینن کے خلاف اپنے ٹوئٹر پیغامات میں سخت ردعمل ظاہر کیا۔ ڈونلڈ ٹرمپ جمعے کے روز عہدہ صدارت کا حلف اٹھائیں گے۔ وہ روس کے ساتھ بہتر تعلقات کا عندیہ دے چکے ہیں۔